Pilota
Ama Zuriaren Torneoko finala
Urrutikoetxea eta Albisu izango dira Ezkurdia eta Merinoren aurkariak
Erredakzioa
Partida zuzenean emango dute, ostiralean, ETB1ek eta eitb.eus-ek, 22:00etatik aurrera.
Bideoak (1)
Urrutikoetxea eta Albisu izango dira Ezkurdiaren eta Merinoren aurkariak, Ama Zuriaren torneoko final handian.
Urrutikoetxeak eta Albisuk bart lortu du finalerako sailkatzea, Olaizola eta Beroiz 22 eta 14 mendean hartuta. Garaileak jaun eta jabe izan dira Ogueta pilotalekuan.
Urrutikoetxea nagusi izan da Olaizolarekin aurreko aldean izan duen borrokan, maisu aritu da tantoak amaitzeko orduan.
Atzeko aldean, berriz, Albisu ere Beroiz baino gehiago izan da eta eroso aritu da partida osoan.
Finalean Ezkurdia eta Merino izango dituzte aurkari. Aspeko bikoteak 22 18 irabazi zien Altuna eta Zubietari, contra zuten emaitza iraulita.
Finala, zuzenean
Festibala 22:00etan hasiko da, eta, lau protagonistetatik hiruk lehen aldiz jokatuko dute Ama Zuriaren finala. Partida zuzenean emango dute ETB1ek eta eitb.eus-ek.
Merinok iaz ere jokatu zuen tornoko finala, orduan Irujorekin batera, baina Bengoetxearen eta beroizen aurka galdu egin zuten 22 eta 13.
