Itxi

Pilota

Pilota

Pilota

HERIOTZA

Panpi Ladutxe pilotari ohia hil da

A. A. | EITB MEDIA

Bi aldiz izan zen Binakako Txapelketako irabazle, Joxean Tolosarekin bikotea osatuz. Pilotan jokatzeari utzi ostean, Sebastien Gonzalez eta Yves Salaberri "Xala" pilotarien botilero lanetan jardun zuen. Horrez gain, abeslari gisa ere aritu zen.

1:32
Panpi Ladutxe

Bideoak (1)

Galeriak (1)

Panpi Ladutxe (Azkaine, 1955) pilotari ohia hil da, 66 urte zituela, Xabier Euzkitze ETBko kazetariak eman du heriotzaren berri Twitter bidez asteazken honetan.

Trinketean aritu zen bere lehen urteetan, eta 1974an, 19 urte zituela, munduko txapeldun izatera iritsi zen modalitate horretan, Montevideon (Uruguai) jokatutako Munduko Txapelketan.

Gerora, 26 urterekin, ezker hormako txapelketetara egin zuen jauzi aurrelari gisa, eta, arlo horretan, Binakako bi txapelketa bereganatu zituen (1987an eta 1989an), bietan Joxean Tolosa atzelariarekin bikotea osatuz. 1988an ere gertu izan zuen txapela, baina Martinikorenarekin batera amore eman behar izan zuen Retegi II.aren eta Errandonearen aurrean (22-16).

1994an utzi zion pilotan aritzeari; dena dela, ez zen kantxetatik aldendu, Sebastien Gonzalez eta Yves Salaberri "Xala" pilotarien botilero lanetan jardun baitzuen.

Pilotan aritzeaz gain, abeslari gisa ere jardun zuen, eta, hala, hiru disko argitaratu zituen: "Aitari" (1995) eta "Chansons du Pays Basque" (2002) eta "Orhoit" (2012).

ETBn aurkezle zereginetan ere ibili zen, Iparraldeko kirolei buruzko Gure Kintzea saioko gidaria izan baitzen.

"Sei argazkitan"ek saio berezia eskaini zion

ETB1eko "Sei argazkitan" saioak programa berezia eskaini zion 2014an, eta, bertan, haren gaztetako argazkiak ikusteaz gain, bere ibilbideko hainbat une bereziri buruz aritu zen solasean Pedro Mari Goikoetxea kazetariarekin.

6 Argazkitan
6 Argazkitan (Panpi Ladutxe)1:4:56 min.

Pilotari ohiaren bizitza

28
  • Pampi plaza librean
  • Pampi, Pascal Ondarts eta Mike Bidart
  • Pampi, Pascal Ondarts, Jeanne, Jeanette Bidart, Mireille Ondarts eta Mike Bidart. 1985
  • Pascal Ondartsekin kantuan. 1990eko hamarkada
  • Mike Bidartekin kantuan. Chino (Kalifornia), 1990eko hamarkada
  • Xabi semea, Jeanne emaztea, Maia alaba eta Pampi. San Frantzisko
  • Jeanne eta Pampi. 1980ko hamarkada
  • Pampi soldadutzako lagunekin. Bordele, 1973
  • Pampi Laduche soldadutza garaian. 1973
  • Pampi eta Joset Laduche. 1960ko hamarkada
  • Joset eta Pampi Laduche. 1970eko hamarkada
  • Pampi Laduche. 1970
  • Pampi eta Joset Laduche. 1970
  • Pampi pilotan
  • Mundialetik Chirac: Munduko Pilota Txapelketan parte hartu zuen Frantziako taldea Jacque Chirac Frantziako orduko lehen ministroarekin. 1974
  • Montevideotik: Pampi Munduko Pilota Txapelketatik bueltan urrezko dominarekin. 1974
  • Ezkerretik, Jean Mixel, Philippe, Jean eta Pampi. Azkaine, 1960
  • Pampi eta Joset aita
  • Pampi Laduche Ur-umea etxean, Azkaine1960
  • Pampi anai arrebarekin
  • Pampi Laduche. 1958
  • Pampi Laduche, 1958
  • Pampi Laduche kantari. Azkaine, 1990eko hamarkada
  • Pampi eta Xala entrenatzen Plaza Berri frontoian. Biarritz, 2000
  • Inaxio Retegiren eta Pampiren arteko desafioa trinketean. Azkaine, 1977
  • Pampi eta Jeanneren ezkontza. Azkaine, 1976ko ekainaren 4a
  • Pampi eta Joset Laduche Astelena frontoian. Eibar, 1980ko hamarkada
  • Laduche familia. Lourdesko santutegian (Pirinio Garaiak), 1959

Panpi Ladutxe, '6 argazkitan'

 

    • © EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa

    #-ent_adh_conf_online-#