Unai Lasok Baikon jarraituko du 2027ra arte

EITB Media

Publikatuta: 2022/06/27 13:21 (UTC+2) Azken eguneratzea: 2022/06/27 15:42 (UTC+2)

Nafarroako pilotariak kontratua berritu du Baiko Pilota enpresarekin 2027ko abenduaren 31ra arte.

1:18

Whatsapp
Whatsapp
telegram
twitt
Bidali
Esteka kopiatu

Albisteak (2)

Bideoak (1)

Laso: ''Ilusio askorekin nago, Laso berdina ikusiko duzue, ea urte hauetan txapel batzuk ateratzen ditudan''

Unai Lasok kontratua berritu du Baiko Pilota enpresarekin 2027ko abenduaren 31ra arte. Bi aldeek astelehen honetan (ekainak 27) sinatu dute kontratu berria. Lasok lau urtez luzatu du Baikorekin lotzen duen kontratua, aurrekoa 2023ko abenduaren 31ra artekoa baitzen.

2020ko irailaren 20an Baikok iragarri zuen Unai Lasok ez zuela enpresako pilotaria izaten jarraituko. Hala ere, 2021eko ekainaren 25ean, bi aldeak akordiora iritsi eta Laso Baikora bueltatu zen. Orain, 2027ra arte jarraituko du Baiko Pilotan.

Unai Laso gaur egungo pilotari onenetakoa da, eta erakusten ari den joko-mailari esker jendetza eramaten du frontoietara. Maiatzaren 29an Buruz Buruko finala irabazi zion Joseba Ezkurdiari (22-7). 2021eko azaroaren 14an Laso Lau t'erdiko Txapelketako txapeldunordea izan zen Altunaren aurka finala galdu ostean (22-20).