San Fermin Txapelketa, eitb.com-en eta ETB-1en

Erredakzioa

Azken eguneratzea: 2012/07/11 15:23 (UTC+2)

eitb.com-ek eta ETB-1ek Olaizola II-Apraiz / Bengoetxea-Merino partida eskainiko dute asteazkenean, ostegunean Xala-Zubieta / Irujo-Merino II norgehiagoka eta larunbatean final handia.

Oinatz Bengoetxearen artxiboko irudia. Argazkia: EITB

Whatsapp
Whatsapp
telegram
twitt
Bidali
Esteka kopiatu

Abian da dagoeneko pilotako San Fermin txapelketa. Larunbatean Titin eta Barriola gainditu zituzten Olaizola II.ak eta Apraizek (22-14), eta igandean, emaitza berarekin, Xala eta Zubieta nagusitu ziren Berasaluze VII.aren eta Albisuren kontra.

Titinek eta Barriolak porrota jaso zuten astelehenean ere, oraingoan Bengoetxea-Begino bikotearen aurka (22-14) eta txapelketatik at geratu dira. Asteartean Irujo eta Merino II.a gainditu ditu Berasaluze VII / Albisu bikoteak (22-14).

eitb.com-ek eta ETB-1ek Olaizola II-Apraiz / Bengoetxea-Begino partida eskainiko dute asteazkenean (22:15ean), ostegunean Xala-Zubieta / Irujo-Merino II norgehiagoka eta larunbatean final handia ikusi ahal izango da.