Ekain Lizeagak bi urteko kontratua sinatu du Baikorekin, eta ostiral honetan debutatuko du

EITB MEDIA

Publikatuta: 2024/01/31 12:38 (UTC+1) Azken eguneratzea: 2024/01/31 12:47 (UTC+1)

Astigarragako atzelari gazteak (20 urte) Amorebieta-Etxanoko jaialdian ekingo dio profesional gisa. Alberdi II.arekin batera jokatuko du De la Fuente eta Bikuñaren aurka.

Ekain Lizeaga. Argazkia: Baiko

Whatsapp
Whatsapp
telegram
twitt
Bidali
Esteka kopiatu

Albisteak (3)

Baiko Pilotak asteazken honetan iragarri du Ekain Lizeaga fitxatu duela datozen bi urteetarako. Gipuzkoako atzelari gazteak (Astigarraga) ostiral honetan bertan, otsailaren 2an, egingo du debuta profesional gisa, egingo du Amorebieta-Etxanoko jaialdian. Lizeagak Alberdi II.arekin batera jokatuko du De la Fuente eta Bikuñaren aurka, Binakako B Seriea txapelketari dagokion 12. jardunaldian, Morgaetxebarriaren lekua hartuta.

Astigarragako Mundarro klubean hezia, Lizeagak honako txapelketa hauek bereganatu ditu 2023an: Zumarragako Goñi Oroimenezkoa, Elgoibarko San Anton Torneoa, Tolosako Soroa Memoriala, Mallabiko Biharko Izarrak eta GRAVNI.

Atzelariak azaldu duenez,"eskertuta" dago Baiko Pilotak emandako aukeragatik, eta "ilusio handiz" ostiralean Amorebietan debuta egiteagatik.