Baskonia
Ostiralean, 20:30ean
Caja Laboral, irabazi ala hil
Erredakzioa
Zan Tabaken gizonek asteazkenean eta emandako mailari eutsi nahi diote bosgarren eta azken partida behartzeko. Neurketa zuzenean jarraitzeko aukera dago 20:30etatik aurrera eitb.comen eta ETB-1en.
-
Arabarrek bigarren garaipena lortu nahi dute CSKAren aurka. Efe.
Caja Laboralek boladari eutsi nahi dio eta CSKAren kontra bigarren garaipena lortu, Euroligako final laurdenetako bosgarren eta azken partida behartzeko. Norgehiagoka zuzenean emango dute 20:30etatik aurrera eitb.comek eta ETB-1ek.
Asteazkenean aise gailendu ziren gasteiztarrak, 93 eta 72, erakustaldia emanda. Ordutik Zan Tabaken gizonek mailari eutsi nahi diote Moskuko CSKAren aurrean burua berriro ez makurtzeko, lehen bi partidetan galtzaile atera ostean.
Hirugarren partidan, arabarrek mendekua hartu zuten eta orain Moskura itzuli nahi dute azken partida irabazi eta Londreseko Final Fourrerako sailkatzeko.
Helburu hori gauzatzeko, Caja Laboralek CSKAren kontra agertutako joko mailari eutsi beharko diote, azken partidan 30 minutu zoragarri jokatu baitzituzten Euroliga irabazteko faborito baten aurka.
Hala ere, zaila izango da errusiarrek asteazkenean egindako partida kaskarra errepikatzea, Teodosic, Kaun eta Khryapa jokalarie erabakigarriek ezer gutxi egin baitzuten Buesa Arenan.
