Mikel Landa, Movistarreko taldeburua

Astelehenean hasiko da Euskal Herriko Itzuliko 59. edizioa Zumarragan eta Mikel Landa gasteiztarra izango da Movistar Team taldearen burua.

2018ko Itzulian bigarren egin zuen Landak Primoz Roglicen atzetik eta Ion Izagirreren aurretik eta amaitu berri den Semana Coppi e Bartali lasterketan etapa bat irabazi   du, beraz, lesioa erabat ahaztuta duela dirudi eta berriro ere podiumean egoteko borrokatuko du.

Halere, ez da erraza izango, aurkari indartsuak izango ditu aurrean, esaterako, Geraint Thomas, Julian Alaphilippe, Enric Mas edo Adam Yates.

Lasterketa irabazten saiatzeko Andrey Amador, Winner Anacona, Ruben Fernandez, Antonio Pedrero, Jose Joaquin Rojas eta Carlos Verona izango ditu ondoan Mikel Landak.