Italiako Giroa 2024
MAIATZAK 8, ASTELEHENA
2023ko Italiako Giroaren 3. etaparen profila, ibilbidea eta ordutegiak: Vasto-Melfi (216 km)
EITB MEDIA
Lehen kilometro lauen ondoren, Valico dei Laghi di Monticchiora igoko dira (3. maila), eta, jarraian, beste igoera bati egingo diote aurre, Valico la Crocen (4. maila).
-
2023ko Italiako Giroko 3. etaparen profila. Argazkia: giroditalia.it
2023ko Italiako Giroak hirugarren etapa jokatuko du maiatzaren 8an, astelehenean. Vasto eta Melfi lotuko ditu, 216 kilometroko mendi ertaineko ibilbidea eta 1.400 metroko desnibel metatua dituela.
Lehen 170 kilometroak lauak dira; beraz, tropela lasterketaren zati handi batean batuta mantentzea espero da. Putre mendietara iritsitakoan, baina, ibilbidea erabat aldatuko da. Valico dei Laghi di Monticchio (3. mailako mendatea, batez beste % 6,4ko aldapak dituena) gainditu beharko dute lehenengo, eta Valico la Croce (4. mailakoa, % 7,6ko aldapak), ondoren.
Ibilbidea bihurgunez betetako jaitsiera batekin amaituko da, baina Melfiko helmuga igoera labur baten ostean aurkituko dute.
Lasterketa zuzen-zuzenean ikusi ahalko da EITBn: eitb.eus-en, etapa oso-osorik ikusteko aukera egongo da, 11:30etik aurrera; ETB4k 14:00etatik 15:10era egingo du bat seinalearekin; eta telebistako emanaldiak ETB1en jarraituko du 15:10etik etapa amaitu arte.
Ikusi 2. etaparen profila | Ikusi 4. etaparen profila
ETAPAREN PROFILA
2023ko Italiako Giroko 3. etaparen profila. Argazkia: giroditalia.it
FITXA TEKNIKOA
Etapa: 3. etapa (maiatzak 8)
Ibilbidea: Vasto – Melfi
Distantzia: 216 km
Goranzko desnibel metatua: 1.400 m
Hasiera-ordua: 12:00
Amaiera-ordua: 16:57 (43 km/h) | 17:12 (41 km/h) | 17:28 (39 km/h).
Mendiko saria: Valico dei Laghi di Monticchio (3. mailakoa), 180. kilometroan; Valico La Croce (4. mailakoa), 187,1. kilometroan.
