Txirrindularitza
Puerto Operazioa
Luis Leon Sanchez zigortu dute ustezko dopinagatik
Erredakzioa
Pro Cycling Blanco taldeak ikerketa zabaldu du txirrindulari espainiarraren kasua aztertzeko, eta murtziarra zigortuta dagoela eta ez duela lasterketarik korrituko argitu du.
-
Luis Leon Sanchez etapa garaipena ospatzen Rabobank taldeko txirrindularia zenean. Argazkia: EFE
Blanco Pro Cycling taldeak twitter sare sozialean adierazi duenez, Luis Leon Sanchez zigortu du, eta ikerketa ireki du txirrindulari espainiarraren kasua aztertzeko. "Luis Leon Sanchez zigortuta dago, eta ez du lasterketarik korrituko" esan du Pro Cycling Blancok.
"Ikerketa honekin Luis Leon Sanchezek Eufemiano Fuentesekin izan zuen harremana nolakoa izan zen argitu nahi dugu", adierazi du txirrindularitza taldeak.
Rabobankek 2011n fitxatu zuen Luis Leon Sanchez, eta 2003an hasi zuen bere ibilbide profesionala Manolo Saizek zuzentzen zuen ONCE taldean.
