Txirrindularitza
Gaur
Euskal Herriko Itzuliko 5. etapa, zuzenean, ETB-1en eta eitb.com-en
A.A.
EiTB
Gauean, Bibitako Txapelketako bi partida berreskuratuko dira, urtarrilaren 6koa eta otsailaren 24koa.
Ohi denez, 14:50ean hasiko da Euskal Herriko Itzuliaren zuzeneko emankizuna. 5. Etapa izango da jokoan gaur, Eibarren hasi eta Beasainen amaituko dena. 166 kilometroko ibilbidea osatuko dute txirrindulariek azken jardunaldiko erlojupeko probaren aurretik. Fermin Aramendik eta Xabier Usabiagak Beasaingo helmugatik egingo dute kontakizuna ETB-1erako eta eitb.com-erako. Errepidean gertatzen denaren berri Alfontso Arroiok emango du.
Gaueko pilotaren tartean ez da zuzeneko emankizunik izango, eta 'Gure Bideoteka' saioaren barruan, Bibitako Txapelketako kanporaketako bi partida berreskuratuko dituzte: urtarrilaren 6an jokatutako Bengoetxea VI-Beroiz / Irujo-Zabaleta eta otsailaren 24ko Olaizola II-Ibai Zabala / Berasaluze II-Albisu. Hain zuzen ere, asteburu honetan jokatuko diren bi finalerdietako protagonista berdinak dira.
