Txirrindularitza
Gaur
Euskal Herriko Itzuliko 6. etapa, zuzenean, ETB-1en eta eitb.com
A.A.
EiTB
Horrez gain, areto futbola, Bigarren B Mailako futbola, saskibaloia eta erremontea.
Euskal Herriko Itzuliko seigarren eta azken etaparen jarraipena zuzenean egin ahal izango dute ikus-entzuleek gaur, 15:25etik aurrera, ETB-1en. Beasainen eta inguruetan jokatuko den 24 kilometroko erlojupekoaren kontakizuna egingo dute Fermin Aramendik, Xabier Usabiagak eta Alfontso Arroiok.
Txirrindularitzaren ostean, 'Zilarrezko Futbola' tartea zabalduko dute. Txemi Galarragak aurkeztutako saioak Bilbao Athletic-Logroñes partida dakarkigu aste honetan. Ohi denez, Xabier Andueza, Juanan Larrañaga eta Joseba Urkiola arituko dira esatari lanetan.
Azkenik, 20:00etan, saskibaloi emanaldia osatuko du ETB-1ek. Endesa Ligako 28. jardunaldiko Caja Laboral-B.R. Valladolid partidaren berri emango dute Asier Arangurenek, Josean Aldalurrek eta Juan de la Vegak zuzenean Gasteiztik.
Hiru emanaldiak zuzenean jarraitu ahal izango dira baita ere eitb.com-en.
Areto futbola eta erremontea ETBKn
ETBKn bi emanaldi nabarmendu daitezke: 17:10ean, areto futbola, El Pozo Murcia-Bartzelona Alusport, Xabier Andueza eta Juanma Ordozgoitiren eskutik; 22:30ean, erremontea, Sagardoaren Txapelketako finala. Juaristi-Agirrezabala / Matxin III-Etxeberria III partidaren ingurukoak Iñigo Aiestaranek eta Manuel Arrizabalaga Matxinek ekarriko dizkigute.
