Txirrindularitza
Suitza (3. etapa)
Peter Saganek irabazi du etapa eta Frank da lider berria
Erredakzioa
Cannondaleko txirrindularia ihes eginda iritsi da Rui Costarekin (bigarren), Kreuzigerrekin (hirugarren) eta Mathias Frankekin (laugarren), eta aise gainditu ditu esprintean.
Peter Saganek (Cannondale) irabazi du Suitzako Itzuliko hirugarren etapa. Montreux eta Meiringen arteko etapak 203,3 kilometro izan ditu, eta lider aldaketa egon da gaurkoan. Mathias Frank (BMC) da lasterketako lider berria.
Sagan ihes eginda iritsi da Rui Costarekin (Movistar), Roman Kreuzigerrekin (Saxo-Tinkoff) eta Mathias Frankekin (BMC). Eslovakiarrak aise irabazi die esprintean. Rui Costa izan da bigarren, Kreuziger hirugarren, eta Frank laugarren.
Helmugara iristeko 30 kilometro falta zirenean egon den Hasliberg mendateak hautsi du lasterketa. Saganek ondo eutsi dio igoerari, eta faboritoen multzoa (13 txirrindulari) bat eginda iritsi da Hasliberg aginera. Igor Anton, ordea, atzean geratu da igoeran. Igoera amaituta, helmugarako 19 kilometro geratzen izan dira, eta hamahiru txirrindulari geratu dira lasterketaren buruan. Jaitsieran taldetxoa apurtu egin da, eta orduan geratu dira Sagan, Rui Costa, Kreuziger eta Frank lasterketaren buruan. Azken metroetan, Saganek ez du aurkaririk izan.
Etapa hasieran sortu den ihesaldian ibili da Jorge Azanza Euskalteleko txirrindularia, beste hamasei txirrindulari hauekin batera: Roulston, Boonen, Terpstra, Vansummeren , Gilbert, Bouet, Montaguti, Kelderman, Breschel, Morkov, Albasini, Roy, Dumoulin, Elmiger, Delaplace eta Pauriol. Tropelak, ordea, lanerako egon da, eta ihesaldia behera bota du.
Hirugarren etapako sailkapena:
.1. Peter Sagan (SVK/Cannondale) 4.46:27
.2. Rui Costa (POR/Movistar) d.b.
.3. Roman Kreuziger (RCE/Saxo Tinkoff) d.b.
.4. Mathias Frank (SUI/BMC Rancing) d.b.
.5. Bauke Mollema (HOL/Blanco) + 39
.6. Giovanni Visconti (ITA/Movistar) + 46
.7. Daniel Martin (IRL/Garmin) + 46
.8. Thibaut Pinot (FRA/Francaisa des Jeux) + 46
.9. Tanel Kangert (EST/Astana + 46
10. Jean Christophe Peraud (FRA/AG2R) + 46
Sailkapen nagusia:
.1. Mathias Frank (SUI/BMC Rancing) 7h.39:38
.2. Roman Kreuziger (RCE/Saxo Tinkoff) + 23
.3. Rui Costa (POR/Movistar) + 35
.4. Giovanni Visconti (ITA/Movistar) + 53
.5. Thibaut Pinot (FRA/Francaisa des Jeux) + 57
.6. Bauke Mollema (HOL/Blanco) + 1:08
.7. Daniel Martin (IRL/Garmin) + 1:23
.8. Tanel Kangert (EST/Astana + 1:26
.9. Jean Christophe Peraud (FRA/AG2R) + 1:28
10. Tejay van Garderen (USA/BMC Racing) + 1:29
