Wiggins: 'Tourra dopatu gabe irabazi duten txirrindulari gutxi daude'

Bradley Wiggins (Sky) 2012ko Frantziako Tourreko eta Olinpiar Jokoetako erlojupeko txapeldunak polemika sortu du asteazken honetan egin dituen adierazpenekin. Tourreko irabazle gehienek garaipena dopatuta lortu dutela esan du txirrindulari britainiarrak.

"Tourra debekatutako ezer hartu gabe irabazi duten txirrindulari gutxi daude. Esku batekin konta ditzaket Tourra dopatu gabe irabazi duten txirrindulariak. Iragan hamarkadako txirrindulari asko dopatu egin ziren liderraren elastiko horia lortzeko", esan du Bradley Wigginsek.

Baina Sky taldeko txirrindulariak egin dituen adierazpenak ez dira hor geratu. "Ni talde txiki baten nago, eta horrek erantzunkizuna eskatzen du. Eredugarriak izan beharra daukagu eta sinisgarritasuna lortu behar dugu inork armairuan hildakorik aurkitu ez dezan", gaineratu du Sky taldeko txirrindulariak.

Wigginsek París-Roubaixen eta Kaliforniako Tourrean parte hartuko duela baieztatu du.