Txirrindularitza
Suitzako Itzulia
Tony Martin da lehenengo liderra Suitzan
Mikel Dominguez
Ion Izagirre 9.a izan da lehenengo etapan, erlojuaren aurkako munduko txapelduna baino 27 segundo gehiago eman ditu.
Bideoak (1)
Informazio gehiago (1)
Tony Martinek (Omega Pharma-Quick step) irabazi du Suitzako Itzuliaren lehenengo etapa, Bellinzonako erlojupekoa (9,4 kilometro). Espezialitatearen munduko txapelduna aurkari guztiak baino nagusiagoa izan da, eta lasterketako lehenengo liderra da. Fabian Cancellara (Trek), etxean laugarrena izan da, alemaniarra baino 16 segundo gehiagorekin. Tom Dumoulinek (Giant-Shimano), 6 segundora, eta Rohan Dennisek (Garmin-Sharp), 13ra, eta denbora askoan behin-behineko lider, podiuma osatu dute.
Ion Izagirrek (Movistar) etapa ona egin zuen, eta liderra 27 segundora izan du. Bederatzigarrena izan da. Bradley Wigginsek (Sky) 32 segundo gehiago eman zituen, etapa kaskarrean. Beste faborito batzuk, Roman Kreuziger (Tinkoff-Saxo) eta Mathias Frank (IAM Cycling) bezala, britainiarra segundo bat eta bi beranduago helmugaratu ziren.
Bihar lineako etapak hasiko dira, 181,8 kilometroko etapa menditsuan, Bellinzona eta Sarnen artean.
1. ETAPAKO SAILKAPENAK
