Txirrindularitza
2016
Emakumeen Birak WorldTourrean sartzeko eskaera luzatu du
ERREDAKZIOA
Iurretako taldea baikor agertu da mundu zabaleko proba onenek osatuko duten UCIren egutegiaren parte izateko.
-
Van Vleuten, Emakumeen Bira. Argazkia: Maialen Zuazubiskar
Biciclismo.com atarian aurreratu dutenez, Emakumeen Birak UCI Women WorldTourraren parte izateko eskaera luzatu du. Gainera, antolatzaileek data aldaketa bat ere proposatu nahi izan dute.
Iurretako Emakumeen Bira Ziklismo Kirol Elkartea egutegiaren barne izateko baikor agertu da, eta aurrekontuak gora egiten duela onartu du, bai sariengatik baita zergengatik ere.
Gainera, ekaineko 10etik 14ra jokatzen den Bira, maiatzeko azken astera edo ekaineko hirugarren astera aldatzea proposatu dute. Horrela, talde askoren bidai arazoak murrizteko eta beste proba batzuen traba ez izateko.
