Udaberri Klasika: Samuel Sanchez garaile eta Igor Anton, bigarren

Euskaltel-Euskadi taldeak erakustaldia eman du Amorebietako Udaberri Klasikan. Samuel Sanchzek irabazi du Klasika eta Igor Anton izan da bigarren. Gainera, Euskaltelek taldekako sailkapena irabazi du eta taldeko txirrindularia den Jorge Azanzak mendiko saria irabazi du. Egun borobila, beraz, talde euskaldunarentzat.

Igor Anton berak apurtu zuen lasterketa azken txanpan. Ersoa jo zuen Galdakaokoak Muniketaganeko igoeran eta lasterketa buruan jarri da. Bere atzetik Rigoberto Duran atera da, baina ezin izan dio jarraitu. Atzetik Frank Schleckek erasoa jo du Anton harrapatzeko asmoz, baina berari Samuel Sanchez itsatsi zaio. Igor Antonek 20 segundoko aldea izan du Frank Schleck, Samuel Sanchez eta David Bernabeurekiko. Anton Autzaganen harrapatu zuten. Ondoren Frank Schleckek erasoa jo zuen, Samuel Sanchezek erantzun egin zion eta Euskaltelekoa bakarrik joan zen helmugaraino garaipena lortuz. Igor Anton izan zen bigarren eta Frank Schleck, hirugarren.

Lasterketa hasieratik mugitua izan zen. Bosgarren kilometroan sortu zen lehen ihesaldia. Zazpi txirrindulariko taldea sortu zen eta bertan txirrindulari gehienak ezezagunak ziren arren Andy Schleck ere bertan zen. Ondoren bi txirrindulari gehiago batu ziren lasterketa burura eta hauek osatu zuten ihesaldia: Andy Schleck (SaxoBank), Jorge Azanza (Euskaltel), Delio Rodriguez (Xacobeo Galicia), Javier Ramirez Abeja (Andalucía Cajasur), Pascual Orengo eta Oscar Grau (Burgos 2016-Castilla y Leon), Mikel Ilundain (Orbea), Ximo Ortega (Barbot) eta Mathias Brandle (Footon Servetto).

Andy Schleckek lasterketa gogortu zuen eta Azanzak eta Delio Fernandezek bakarrik eutsi zioten. Azken 25 kilometroetan Euskaltel jarri zen tropel buruan eta ihesaldia behera bota zuen. Ondoren etorri zen Igor Antonen erasoa eta gero, Samuel Sanchezen garaipena.

Sailkapena:

1º Samuel Sanchez (Euskaltel-Euskadi) 4:04:19
2º IgorAnton (Euskaltel-Euskadi) + 5"
3º Frank Schleck (Saxo Bank) d.b.
4º DavidBernabeu (Barbot) d.b.
5º Javier Moreno (Andalucía-CajaSur) d.b.
6º MauroFinetto (Liquigas) d.b.
7º Rigoberto Uran (Caissa d''Epargne) d.b.
8ºSergey Chernetskiy (sel. Rusa) d.b.
9º Egoi Martinez (Euskaltel-Euskadi) d.b.
10º Jose Herrada (Caja Rural) d.b.
11º Raul Santamarta (Burgos2016-Castilla y Leon) d.b.
12º David Gutiérrez Gutiérrez (Footon ServettoFuji) d.b.
13º Arnold Jeannesson (Caisse d''Epargne) d.b.
14º Eugeni Petrov(Katusha) d.b.
15º Fabricio Ferrari (Caja Rural) d.b.

Mendiko Irabazlea:&' || 'nbsp;JorgeAzanza (Euskaltel-Euskadi)
Taldekako sailkapena:&' || 'nbsp;Euskaltel-Euskadi.