Txirrindularitza
Eneco Tour, 5. etapa
BMC nagusi, taldekako erlojupekoan
Agentziak | Erredakzioa
Rohan Dennis da orain lasterketako lider berria. BMCk 6 segundo atera dizkio Etixx-Quick Stepi, 23 LottoNL-Jumbori eta 25 Movistarri.
-
BMC taldea. Argazkia: Efe.
BMC Racing talde estatubatuarrak irabazi du Eneco Tourreko bosgarren etapa, erlojuaren kontrako taldekako lehia. Ibilbideak 20,9 kilometro izan ditu, Sittard-Geleen udalerrian hasi eta bukatuta.
Peter Saganek (Tinkoff) lidergoa galdu du eta bere ordez Rohan Dennis da orain sailkapenaren buruan.
BMCk 23 minutu eta 11 segundoko denbora egin du, Etixx-Quick Stepek baino sei gutxiago, LottoNL-Jumbok baino 23 gutxiago eta Movistarrek baino 25 gutxiago.
Larunbatean seigarren etapa jokatuko dute; 197,2 kilometro Riemst eta Lanaken artean.
