Mountain Bike: Iñaki Lejarreta Europako txapelketan

K.I.

Erredakzioa

Azken eguneratzea: 2010/07/07 10:54 (UTC+2)

"Bero handia, zirkuito lehorra, azkarra, eta harriekin. Sentsazio oso onak, baina oraindik aldakak min egiten dit".

Whatsapp
Whatsapp
telegram
twitt
Bidali
Esteka kopiatu

Mendi bizikletako Cross Country Europako txapelketak jokoan dira Haifan (Israel). Ostiralean izango dira maila nagusiko lasterketak, eta gizonezkoen proban, parte hartzaileen artean, Iñaki Lejarreta izango dugu.

Berriztarrak ikusi du txapelketa egingo den zirkuitoa. Bere esanetan "bero handia, zirkuito lehorra, azkarra, eta harriekin. Sentsazio oso onak, baina oraindik aldakak min egiten dit". Errepideko lasterketa batean izandako erorikoak sortu zion bizkaitarrari aldakako mina, itxuraz oraindik erabat gainditu ez duena.