Txirrindularitza
Romandiako Itzulia
Felline, lehen liderra atariko etapa irabazita
Erredakzioa
Txirrindulari italiarrak Romandiako Itzuliko hasierako erlojupekoa irabazi eta liderraren elastikoa jantzi du. Ion Izagirre hamabigarren izan da, eta Jonathan Castroviejo hamazortzigarren.
Fabio Felline (Trek) italiarrak irabazi du Romandiako Itzuliko atariko etapa eta liderraren elastikoa jantzi du. Romandiako Itzulia Aiglen egin den 4,8 kilometroko erlojupekoarekin hasi da.
Felline izan da irabazlea 5'57"ko denborarekin. Alex Dowsett (Movistar) bigarren izan da bi segundora eta Alexander Edmondson (Orica) hirugarren, irabazlearengandik 7 segundora.
Euskal txirrindulariei dagokienez Ion Izagirre (Bahrain) hamabigarren izan da Fellinerengandik 12 segundora eta Jonathan Castroviejok (Movistar) hamazortzigarren postuan bukatu du, irabazlearengandik 14 segundora. Faboritoen artean Chris Froomek (Sky) 29 segundo galdu ditu, eta Richie Portek (BMC), 34 segundo.
