Txirrindularitza
Tarragona 2018
Ane Santestebanek zilarra lortu du Mediterraneoko Jokoetako errepideko proban
Erredakzioa
Euskal txirrindulariak bigarren postuan amaitu du proba. Elisa Longo izan da irabazlea, eta Erica Magnaldik amaitu du hirugarren.
-
Ane Santesteban. Argazkia: EiTB
Ane Santesteban txirrindulariak zilarrezko domina lortu du 2018ko Mediterraneoko Jokoetako errepideko proban. Tarragonako Vila-seca herrian hasi eta amaitu da 89 kilometroko ibilbidea izan zuen lasterketa.
Euskal txirrindulariak 2 ordu eta 47 segundoko marka ezarri du helmugan, eta Elisa Longo irabazleak baino 3 minutu eta 8 segundo gehiago behar izan ditu ibilbidea egiteko. Erica Magnaldi Santestebanekin batera iritsi da azken metroetara eta hirugarren amaitu du.
