Txirrindularitza
Talde aldaketa
Izagirre anaiek ez dute Bahrain Meridan jarraituko
Erredakzioa
ETBk baieztatu duenez, taldez aldatuko dute datorren denboraldian. Gainera, Brent Copeland taldeko zuzendari nagusiak 'Cycling Weekly'n baieztatu du, "pena bat dela Ion eta Gorka galtzea".
-
Gorka Izagirre eta Ion Izagirre. Argazkia: EiTB
ETBk baieztatu duenez, Ion eta Gorka Izagirre anaiek ez dute Bahrain Merida taldean jarraituko datorren denboraldian. 2019an taldez aldatuko dute bi euskal txirrindulariek.
Brent Copeland taldeko zuzendari nagusiak elkarrizketa eskaini dio 'Cycling Weekly'ri, eta bertan baieztatu du datorren denboraldian bi anaiak ez direla Bahrain Meridan arituko. "Pena da Ion eta Gorka Izagirre galtzea. Oso langileak dira, errespetu handia dute, eta oso gogorrak dira. Hala ere, ez dituzte garaipen asko lortzen, eta horien ordezkariak eskatzen zuena gehiegi zela iruditzen zitzaidan", esan du Copelandek.
Gainera, 'Cycling Weekly' webgunearen esanetan, UAE Emirates da Izagirre anaiak fitxatzeko aukera gehien dituen taldea, eta 3 denboraldirako kontratua sina dezaketela gaineratu dute. Dena den, Sky taldea ere interesatuta dagoela esan dute bertan.
