Frantziako Tourra 2023
21. etapa
Geraint Thomas errege Parisen; azken etapa, Alexander Kristoffentzat
Agentziak | Erredakzioa
Tom Dumoulin eta Chris Froome podiumera igo dira Thomas galestarrarekin batera. Mikel Landaren Movistar izan da Tourreko talderik onena.
Albisteak (3)
Geraint Thomas britainiarrak irabazi du Frantziako Tourreko 105. edizioa. Azken etapan, 116 kilometro egin dituzte Houilles eta Paris artean eta garaipena Alexander Kristoff norvegiarrak lortu du, esprint estu batean.
Kristoffen atzetik John Degenkolb alemaniarra eta Arnaud Demare frantziarra sartu dira helmugan. Irabazleak 2 ordu, 46 minutu eta 36 segundoko denbora egin du.
Geraint Thomas liderrak besoak jaso ditu helmugara sartzean, eta ondoan Chris Froome iazko irabazlea izan du. Froomek ezin izan du bere bosgarren Tourra irabazi.
Thomas eta Froomekin batera, Tom Dumoulin sailkapeneko bigarrena igo da Pariseko podiumera-
Gainontzeko sailkapenei dagokienez, Julian Alaphilippek irabazi du mendiko sailkapena, Peter Saganek erregularitatearena, Pierre Latourrek gazte onenarena, eta talderik onena Mikel Landaren Movistar izan da.
