Txirrindularitza
Roglic, faborito nagusia
Irun, prest gaur Vueltaren irteera hartzeko
eitb.eus
Chris Froome, Enric Mas, Tom Dumoulin eta Richard Carapaz aurkari nagusienak izango dira eta 10 euskal txirrindulari egongo dira irteeran.
-
Primoz Roglic
Primoz Roglic (Jumbo Visma) esloveniarrak erdietsi zuen garaipena 2019ko Espainiako Itzulian eta aurten, 1 zenbakia duela, garaipen hori defendatuko du Chris Froome, Enric Mas, Tom Dumoulin eta Richard Carapaz aurkarien aurrean.
Itzulia astearte honetan hasiko da Irunen eta, urtero legez, Madrilen amaitu azaroaren 8an.
Roglicek bigarren egin du aurtengo Frantziako Tourrean eta Lieja-Bastogne-Lieja klasikoa irabazi; Itzulia irabazteko talde indartsua izango du Tom Dumoulin, Robert Gesink, George Bennett eta Sepp Kuss txirrindulariekin batera.
Tourrean etapa garaipena duten Enric Mas eta Alejandro Valverde (Movistar), Nans Peters (AG2R), Alexey Lutsenko (Astana) eta Daniel Martinez (EF) gizonek ere hartuko dute parte.
Maila handiko txirrindulari asko
Denboraldi honetan zorte handirik izan ez duten txirrindularientzat aukera ona da aurtengo Vuelta, esaterako, Thibaut Pinot, David Gaudu (Groupama-FDJ) eta Esteban Chaves (Mitchelton-Scott) edo David De La Cruz (UAE Emirates) bezalako gizonentzat.
Iruneko irteeran ere Michael Woods (EF Pro Cycling), Dylan Teuns (Bahrein-McLaren), Tim Wellens (Lotto-Soudal), Andrea Bagioli eta Mauri Vansevenant (Deceuninck-Quick Step) egongo dira.
Gizon azkarrak
Esprinterrak ere izango dira lasterketan. Faborito nagusienak hasiera batean hiru gizon dira, Sam Bennett (Deceuninck-Quick Step), Pascal Ackermann (Bora-Hansgrohe) eta Jasper Philipsen.
Euskal txirrindulariak
Aurtengo Espainiako Itzulian hamar euskal txirrindulari izango dira guztira. Honako hauek dira:
Astana Pro Team: Alex Aranburu, Omar Fraile eta Gorka Izagirre
Caja Rural: Jonathan Lastra, Jon Aberasturi, Julen Amezketa eta Aritz Bagues
Mitchelton-Scott: Mikel Nieve
Movistar Team: Imanol Erviti
Total Direct Energie: Romain Sicard
