Itxi

Txirrindularitza

58. edizioa

Mollemak irabazi du Laigueglia Saria

Agentziak | EITB Media

Bauke Mollema izan da Italiako lasterketa honen 58. edizioko irabazlea. Egan Bernal bigarren izan da, eta Mikel Landak seigarren postuan amatu du.

  • Bauke Mollema

    Bauke Mollema, ganador del Trofeo Laigueglia. Foto: EFE

Bauke Mollemak (Trek Segafredo) irabazi du Laigueglia Sariaren 58. edizioa, helmugara bakarrik iritsita eta Egan Bernal (Ineos) buru izan duen taldetxoari 39 segundoko abantaila aterata.

Groningako (Herbehereak) txirrindulariak 34 urte ditu, eta denboraldiko bigarren garaipena erdietsi du, duela egun gutxi Itsas Alpeetako eta Varreko Tourreko lehen etapa ere bereganatu baitzuen.

Mollema nagusi izan da 202 kilometroko ibilbidean eta 39 segundo atera dizkie Egan Bernal, Mauri Vansevenant (Deceuninck), Clement Champoussin (Ag2r), Giulio Ciccone (Trek) eta Mikel Landa (Bahrain) txirrindularien multzoari.

Lasterketak hasiera bizia izan du, eta faboritoen arteko lehia ikusi ahal izan da. Mikel Landa ere onenekin egon da, eta seigarren postuan bukatu du. Emaitza ona lortu du euskal txirrindulariak urteko bere lehen lasterketan.

Euskaltel Euskadik ere protagonismoa izan du, eguneko ihesaldian Unai Cuadrado sartu baita, Juri Hollmann (Movistar) alemaniarrarekin batera. Lau minutuko abantaila izan dute tropelarekiko, baina Mollemaren Trek Segrafedo eta Bernalen Ineos taldeek behera bota dute ihesaldia.