Txirrindularitza
Paris-Niza (3. etapa)
Bisseggerrek liderraren elastikoa jantzi du, erlojupekoa irabazita
EITB Media
Suitzako txirrindularia izan da onena Paris-Nizako hirugarren etapan, eta Matthewsek ezin izan dio sailkapen nagusiko lehen postuari eutsi.
Stefan Bissegger (EF Nippo) da Paris-Niza lasterketako lider berria astearte honetan hirugarren etapako erlojupekoa irabazi ostean. Gienen hasi eta bukatu da 14,4 kilometroko ibilbidea izan duen erlojuaren kontrako saioa.
Bissegger nagusi izan da 17 minutu eta 34 segundoko markarekin. Remi Cavagna (Deceuninck) izan da bigarren, eta frantziarra ehuneneko batzuengatik geratu da garaipenik gabe. Primoz Roglic (Jumbo Visma) izan da hirugarren, sei segundora. Ion Izagirre (Astana) euskal txirrindularia hamabigarren izan da, irabazlearengandik 22 segundora.
Michael Matthewsek (BikeExchange) ezin izan dio lidergoari eutsi, eta sailkapen nagusiko lehen postua galdu du. Orain, Bissegger da liderra, Remi Cavagna da bigarren denbora berdinarekin, eta Primoz Roglic hirugarren, sei segundora.
