Txirrindularitza
Madrildarra, itxaropentsu
Contador: '2012. urtean inoiz baino indartsuago egon nahi dut'
Erredakzioa
Pintoko txirrindulariak, 'La Gazzeta dello Sport' egunkariarentzat egindako elkarrizketan, Frantziako Tourra eta Joko Olinpikoa izango direla bere helburu nagusiak adierazi du.
-
Contador. Argazkia: EFE
Saxo-Bank taldeko txirrindularia Israelen dago datorren denboraldia prestatzen eta "helburu nagusiak Tourra eta Joko Olinpikoak" izango direla argi utzi du. "Joko Olinpikoetan ahal dudan guztia egin nahi dut erlojupekoan, errepideko proban berriz, taldekideentzat egingo dut lan" azaldu du Contadorrek.
Profesionalki, alor guztietan hobetu dezakeela ere adierazi du Pintokoak. "Erlojupekoan, mendian, materialeen aukeraketan, bizikleta gainean edota alimentazioan. Lortzeko zorrotzagoa izan beharko dut" gaineratu du madrildarrak.
