Txirrindularitza
Vuelta (17. etapa)
Roglicek Covadongako aintziretan lezioa eman eta kamiseta gorria berreskuratu du
EITB MEDIA
Esloveniarrak Egan Bernal atzean utzi eta bakarrik iristea lortu du, 4h.34.45eko denborarekin. Sailkapen nagusiko aurkari zuzenen taldea 1.35 minututara iritsi da.
Primoz Roglic (Jumbo Visma) esloveniarrak bakarrik irabazi du Vueltako hamazazpigarren etapa, Unquera eta Lagos de Covadongaren artean, 185,8 kilometroko ibilbidea eginez, eta liderraren kamiseta gorria berreskuratu du.
Roglicek (31 urte) lezio bikaina eman du Lagos de Covadongako helmugarako azken igoeran, non, Egan Bernal kolonbiarra atzean utzi ondoren, bakarrik iristea lortu du 4h.34.45eko denborarekin eta batezbesteko 40,6 kilometro orduko abiadurarekin.
Sailkapen nagusiko aurkari zuzenen taldea 1.35 minututara iritsi da, Sepp Kuus (Jumbo Visma), Miguel Angel Lopez (Movistar), Adam Yates (Ineos), Jack Haig (Bahrain Victorious), Enric Mas (Movistar) eta Egan Bernal (Ineos) txirrindulariekin.
Sailkapen nagusian, Primoz Roglic da berriro maillot gorria, Enric Mas 2.22 minutura eta Miguel Angel Lopez 3.11ra dituelarik.
Ostegun honetan hamazortzigarren etapa jokatuko da Salas eta Altu d 'El Gamoniteiru artean, 162,6 kilometrokoa.
Mikel Landak Vuelta utzi du
Arabarrak (Bahrain Victorius) ezin izan du gehiago eta Espainiako 76. itzulian parte hartzeari amaiera eman dio, Covadongako aintziretan amaitu zen hamazazpigarren etapan.
Orain, Landaren helburua hurrengo egunetan suspertzea da, Europako Trentoko Txapelketara eta Lonbardiako Girora (denboraldiko azken hitzordu handia) ahalik eta baldintza onenetan iristen saiatzeko.
17. etapako sailkapena:
1 - ROGLIC Primož (Team Jumbo-Visma) 4:34:45
2 - KUSS Sepp (Team Jumbo-Visma) 1:35
3 - LOPEZ Miguel Angel (Movistar Team) d.b.
4 - YATES Adam (INEOS Grenadiers) d.b.
5 - HAIG Jack (Bahrain - Victorious) d.b.
6 - MAS Enric (Movistar Team) d.b.
7 - BERNAL Egan (INEOS Grenadiers) d.b.
8 - MÄDER Gino (Bahrain - Victorious) d.b.
9 - MEINTJES Louis (Intermarché - Wanty - Gobert Matériaux) 2:29
10 - CHAMPOUSSIN Clément (AG2R Citroën Team) 2:44
Sailkapen orokorra:
1 - ROGLIC Primož (Team Jumbo-Visma) 68:42:56
2 - MAS Enric (Movistar Team) 2:22
3 - LOPEZ Miguel Angel (Movistar Team) 3:11
4 - HAIG Jack (Bahrain - Victorious) 3:46
5 - MARTIN Guillaume (Cofidis, Solutions Crédits) 4:16
6 - BERNAL Egan (INEOS Grenadiers) 4:29
7 - YATES Adam (INEOS Grenadiers) 4:45
8 - KUSS Sepp (Team Jumbo-Visma) 5:04
9 - GROßSCHARTNER Felix (BORA - hansgrohe) 6:54
10 - MÄDER Gino (Bahrain - Victorious) 6:58
