Txirrindularitza
Samuel Sanchez, zazpigarren
Gasparottok irabazi du Amstel Gold Race lasterketa
Erredakzioa
Freirek azken kilometroetan ezustekoa eman nahi izan du erasoa jota. Jelle Vanendert izan da bigarren eta, Peter Sagan, hirugarren.
Astana taldeko Enrico Gasparottok irabazi du Amstel Gold Race lasterketa. Maastricht eta Valkenburg arteko 256,5 kilometroko ibilbidea gainditu behar izan dute txirrindulariek.
Oscar Freirek erasoa jo du azken kilometroetan eta ezustean hartu du tropela. Helmugatik 20 metrora harrapatu dute txirrindulari kantabriarra eta Enrico Gasparottok lortu du garaipena. Jelle Vanendert belgikarra izan da bigarren eta, Peter Sagan, hirugarren. Euskaltel Euskadi taldeko Samuel Sanchezek zazpigarren postuan bukatu zuen lasterketan.
Sailkapena:
1. Enrico Gasparotto (Astana) 6:32:35
2. Jelle Vanendert (Lotto-Belisol) d.b.
3. Peter Sagan (Liquigas-Cannondale) d.b.
4. Oscar Freire (Katusha) + 3
5. Thomas Voeckler (Europcar) d.b.
6. Philippe Gilbert (BMC) d.b.
7. Samuel Sanchez (Euskaltel-Euskadi) d.b.
8. Fabian Wegmann (Garmin-Barracuda) d.b.
