Txirrindularitza
Istripua
Gotzon Martinek hainbat haustura ditu, entrenatzen ari zela erorikoa izan ostean
EITB Media
Euskaltel-Euskadi taldeko txirrindulariak, lepaorno bat, saihets bat eta ezker sorbalda hautsita ditu. Gainera, biriketako hematoma du.
-
Gotzon Martin, Euskaltel-Euskadi taldeko txirrindularia. Argazkia: Euskaltel-Euskadi
Gotzon Martin txirrindulariak hainbat haustura ditu, entrenatzen ari zela erorikoa izan ostean. Hala jakinarazi du ostegun honetan (maiatzak 12) Euskaltel-Euskadi taldeak.
"Gotzon Martinek istripua izan du entrenatzen ari zela, eta behaketan dago", adierazi du talde laranjak. Orozkoko (Bizkaia) 26 urteko txirrindulariak, lepaorno bat, saihets bat eta ezker sorbalda hautsita dituela, eta biriketako hematoma duela gaineratu du Euskaltel-Euskadik.
