Frantziako Tourra
eitb.eus-en eta ETB1en
Gaur, 2016ko Frantziako Tourraren aurkezpena zuzenean
Erredakzioa
Tourraren 103, edizioaren aurkezpena egingo da gaur, 18:15ean, eta ekitaldia zuzenean eskainiko dute ETB1ek eta eitb.eus-ek.
-
2015eko Tourreko artxiboko irudia. Argazkia: EFE
Gaur, ekainaren 30a, aurkeztuko da Frantziako Tourraren 103. edizioa eta ekitaldia zuzenean eskainiko dute ETB1ek eta eitb.eus-ek, 18:15ean hasita.
2016ko Tourra uztailaren 2an, larunbatean, hasiko da Mont-Saint-Michel eta Utah Beach arteko etaparekin. Lasterketa uztailaren 24an bukatuko da Chantilly eta Paris arteko etaparekin. 22 taldek eta 198 txirrindularik hartuko dute parte aurtengo edizioan.
Gure webgune berezian kontsulta ditzakezu etapa guztien profilak, parte hartuko duten taldeak eta txirrindulariak eta lasterketaren inguruko berri eta bideo onenak. Gainera, ETB1ek eta eitb.eus-ek zuzenean eskainiko dituzte etapa guztiak.
