Frantziako Tourra
Lider berria, damututa
Contadorrek Andy Schlecki: 'Agian hanka sartu dut; sentitzen dut'
Erredakzioa
eitb.com
Tourreko lider berriak adierazi duenez, atzoko etapan ez zuen ondo jokatu Andy Schleck-ek bizikletako katearekin arazoak izatean aurrera egiteagatik.
Alberto Contador Frantziako Tourreko lider berriak&' || 'nbsp; ''Youtube''-ra igotako bideo batean azaldu duenez, agian huts egin zuen atzo Andy Schleck-ek matxura izan zuenean aurrera jotzeagatik.
Azkeneko mendatean eduki zituen arazoak Schleck-ek, eta Contadorrek helmugan 39 segundo kendu zizkion. "Baliteke nik huts egin izana. Sentitzen dut", esan du Astanako txirrindulariak&' || 'nbsp; hoteleko gelan grabatutako bideoan.
"Une horretan pentsatzen duzun gauza bakarra ahalik eta azkarren joatea da baina ez nago pozik, joko garbia izatea oso garrantzitsua baita. Horrelako gauzak ez zaizkit gustatzen, ez dira nire estilokoak, eta espero dut Andyk eta biok orain arte izandako harreman onarekin jarraitzea".
Beste kasu batzuetan garbi jokatu izan duela gogoratu du Contadorrek. "Spako etapan, adibidez, Andy eta Frank Schleck atzean geratu zirenean, tropela geratu egin nuen haiek itzuli arte".
