Contador: "Ez dut lehiatu Andyk bere gain hartu duelako mendate osoa"

Alberto Contador espainiarrak, Frantziako Tourreko liderrak, Tourmaleteko tontorrera iristean ziurtatu duenez, ez du etapa lehiatu, izan ere, Andy Schleckek, irabazleak, "bere gain hartu due mendate osoa".

"Andyk igoeraren pisua hartu du eta hori errespetatu dut, azkenean lasai egotea nahiago izan dut", azpimarratu du Contadorrek. "Gaur egun arriskutsua" zela onartu du.

"Egun berezia zen Tourmaleteko esanahi historikoagatik, baina garrantzitsuena Parisen garaipena lortzea da", adierazi du txirrindulari madrildarrak, zeinak Nicolas Sarkozy Frantziako presidentearen zoriona jaso duen helmugan.

Alberto Contadorren hitzetan, "erasoa" egiten saiatu da, baina Schleckek "oso ondo" erantzun du eta erloju kontrako probari begira "alde txikia" duela onartu du. "Alde handiagoa edukitzea gustatuko litzaidake, baina igandean garaipen berri bat ospatzea espero dut", adierazi du.

"Gaur indartsu eduki ditut hankak, azken igoeran oso ondo aritu naiz, egia esan, eroso sentite naiz egun osoan, pauso garrantzitsua da hau, baina oraindik lasterketa geratzen da", esan du Frantziako Tourra bi aldiz irabazi duenak, Andy Schlecki besarkada eman baino pixka bat lehenago. Luxenburgotarrak etapa irabazi du baina ez dio denborarik atera elastiko horiagatiko borrokan duen lehiakideari.