Landa, Froomek jasotako txistuei buruz: 'Ez litzaidake gustatuko txistuak jasotzea'

Chris Froomek (Sky) txistuak jaso zituen 2018ko Tourraren taldeen aurkezpenean eta Mikel Landa Movistarreko txirrindulariak gai honi buruz hitz egin du taldea kontzentratuta dagoen Choleteko hotelean.

Mikel Landak argi du ez zitzaiola gustatuko zaleen txistuak jasotzea: 'Ez litzaidake gustatuko zaleek niri txistu egitea. Lehiakortasun handia dago kirol munduaren barruan eta kirol mundutik kanpo".

Landaren taldekidea den Nairo Quintana zorrotzagoa izan da Froomek jasotako txistuei buruz galdetu diotenean: "Txistuak jasotzea ez da atsegina eta ez da ona inorentzat, baina, batzuetan, ereiten duzuna jasotzen duzu".

Alejandro Valverdek ere hitz egin du Froomek jasotako txistuei buruz: "Pena da gauza hauek pasatzea, baina bazekiten gerta zitekeela. Larunbatean lasterketa hasten da, eta Tourraz eta txirrindularitzaz hitz egin behar da, ez kirolaren kontrako jarrerei buruz. Pena da, baina gauzak datozen modura hartu behar dira".