Frantziako Tourra 2023
13. etapa
Peter Saganek hirugarren garaipena lortu du esprintean
Agentziak | Erredakzioa
Eslovakiarra azkarrena izan da Alexander Kristoff norvegiarraren eta Arnaud Demareren aurretik.
Albisteak (4)
Bideoak (1)
Peter Sagan eslovakiarra (Bora) gailendu da Frantziako Tourreko 13. etapan. Guztira, 169,5 kilometro egin dituzte txirrindulariek Bourg D'Oisans eta Valence artean. Graint Thomasek lider jarraitzen du.
Scully (Education First), De Gendt (Lotto Soudal), Schär (BMC) eta Claeys (Cofidis) txirrindulariek osatu dute eguneko ihesaldia, baina aventura helmugarako 6 kilometrora amaitu da.
Azken metroetan, Saganek aurkarien alde txikia irauli du eta 3 ordu, 45 minutu eta 55 segundoko denbora eginda gailendu da, Alexander Kristoff norvegiarra eta Arnaud Demare frantziarraren aurretik.
Sailkapen nagusian ez da aldaketarik. Geraint Thomasek lehen postuan jarraitzen du, bigarren Chris Froome da 1:39ra eta hirugarren Tom Dumoulin 1:50ra.
Larunbatean, 14. etapa jokatuko dute, 188 kilometrokoa, Saint-Paul Trois-Chateaux eta Mende artean.
