Publizitatea
Itxi

X-deportes_tour de francia-X

X-deportes_tour de francia-X

2020/08/19

10:13

Frantziako Tourra 2021

Lesioa

Landaren bizkarreko minak hobera egin du, eta "ilusioz" begiratzen dio Tourrari

AGENTZIAK | ERREDAKZIOA

Arabarrak Dauphine Kriteriumeko azken etapa hirugarren postuan hasi zuen, baina hamazortzigarren amaitu zuen bizkarreko minak jota.

  • Mikel Landa, Burgosko itzulian zehar

    Mikel Landa, Burgosko itzulian zehar. Argazkia: EFE

  • Whatsapp
  • Whatsapp
  • Telegram
  • Bidali

Mikel Landa (Bahrain-McLaren) arabarra Dauphineko azken etapan jasan zuen bizkarreko mina gainditzen ari da, eta "askoz hobeto" sentitzen dela adierazi du.

"Igandean min handia izan nuen bizkarrean eta ezin izan nuen aurkarien erritmoa jarraitu. Osteopataren tratamendua jaso nuen eta atseden hartu ahal izan dut. Askoz hobeto sentitzen naiz orain, eta ilusioz beteta espero dut nire helburu nagusia, Frantziako Tourra", adierazi du txirrindulari arabarrak bere taldearen bitartez.

Landak (30 urte) ezin izan zuen Dauphineko podiumaren lehian murgilduta egon joan den igandean, lasterketako bosgarren eta azken etapan. Hirugarren postuan ekin zion etapari Primoz Roglic esloveniarra erretiratu ostean, baina, bizkarreko minaren eraginez, ezin izan zion faboritoen taldearen erritmoari eutsi.

Hurrengo Frantziako Tourrean, bosgarrena Murgiakoarentzat, Bahrain-McLaren taldeko lider gisa jardungo du, 2017ko laugarren postua eta 2019ko seigarrena hobetzeko helburuarekin.

  • Bisitatuena

      Kargatzen ikusiena
      Kargatzen ikusiena