Frantziako Tourra 2023
17. etapa
Mikel Nievek Tourra utzi du
Erredakzioa
Mitchelton-Scott taldeko euskal txirrindularia bizikletatik jaitsi da 17. etapako Madeleineko igoeran. Lehen aldia da itzuli handi bat utzi duena, hemeretzi aldiz parte hartu ostean.
-
Tourrak Mikel Nievek lasterketa utzi duela jakinarazi duen momentua. Argazkia: EiTB
Mikel Nievek Tourra utzi du asteazken honetan, 17. etapan, Grenoble eta Col de la Loze artekoan, helmugarako 70 kilometro falta zirenean. Mitchelton-Scott taldeko 36 urteko txirrindularia bizikletatik jaitsi da Madeleineko igoeran.
Itzuli handietan 19 parte-hartze zeramatzan euskal txirrindulariak, eta lehen aldiz utzi du lasterketa. Seigarren aldiz hartu du parte Tourrean, sei aldiz Italiako Giroan eta zazpitan egon da Espainiako Vueltan.
2015ean lortu zuen itzuli handietan eskuratu zuen posturik onena, 2015eko Vuelta zortzigarren amaituta. Tourrean, hamabigarren izan zen 2021an. Palmaresean, Nievek hiru etapa garaipen ditu Giroan, mendiko maillota jantzi zuen 2016an, eta etapa bat irabazi zuen Vueltan.
