Frantziako Tourra
Larunbatean hasiko da
Ezohiko Tourra
Erredakzioa
Evans eta Wiggins dira aurtengo Tourra irabazteko faborito nagusiak, eta Contador eta Andy Schleck, ordea, baja garrantzitsuenak. Euskaltel-Euskadik etapa bat irabaztea du helburu.
-
Cadel Evans, faborito nagusietako bat. Argazkia: EFE
Cadel Evans australiarra (BMC) eta Bradley Wiggins britainiarra (Sky) dira larunbat honetan hasiko den Frantziako Tourra irabazteko faborito nagusiak. Aurtengo Tourrari Liejan emango zaio hasiera, eta uztailaren 22an amaituko du Parisko Eliseo Zelaietan.
Baja nagusiak bi dira, Alberto Contador eta Andy Schleck txirrindulariena. Espainiarrak bi urteko zigorra jaso zuen otsailean eta Schleckek sakroa hautsi zuen Dauphine Libereko etapa nagusian eta ezin izango du Tourrean parte hartu.
Euskaltel-Euskadin, bestalde, etapa bat irabaztea dute helburu eta Samuel Sanchezek ahalik eta posturik altuenean bukatzea nahi dute. Azpimarratzeko beste txirrindulari batzuk Alejandro Valverde, Vincenzo Nibali (Liquigas), Jurgen van den Broeck edo Ryder Hesjedal dira.
Ibilbidea
Erlojupeko etapek mendikoek baino protagonismo gehiago izango dute aurten. Pena da Alpe D'Huez eta Galibier ez igotzea. Tourmaleti, ordea, aurre egin beharko dio tropelak aurten ere.
AG2R - La Mondiale (Frantzia), Argos - Shimano (Holanda), Astana Pro Team (Kazajstan), BMC Racing Team (AEB), Cofidis, le crédit en ligne (Frantzia), Euskaltel Euskadi (Euskadi), Française des Jeux - Big Mat (Frantzia), Garmin-Barracuda (AEB), GreenEdge Cycling Team (Australia), Lampre - ISD (Italia), Liquigas - Cannodale (Italia), Lotto Belisol Team (Belgika), Movistar Team (Espainia), Omega Pharma - Quick Step (Belgika), Rabobank Cycling Team (Holanda), Radioshack - Nissam (AEB), Saur - Sojasun (Frantzia), Sky Procycling (Britainia Handia), Team Europcar (Frantzia)Team Saxo Bank (Danimarka) eta Vacansoleil - DMC Pro Cycling Team (Holanda).
