Frantziako Tourra 2023
Hasi da
Cancellarak jantzi du elastiko horia atariko erlojupekoa irabazita
Erredakzioa
Txirrindulari suitzarra da 2012ko Frantziako Tourreko lehen liderra. Zazpi segundoko aldea atera dio bigarren izan den Bradley Wigginsi eta denbora bera, hirugarren bukatu duen Sylvain Chavaneli.
Fabian Cancellara (RadioShack) suitzarrak irabazi du 2012ko Frantziako Tourreko atariko etapa. Liejan korritu da 6,1 kilometroko erlojupekoa zale askoren ikusmirapean.
Cancellarak berriro erakustaldia eman du erlojupekoan. Txapeldun Olinpikoa eta lau aldiz munduko txapelduna izandako txirrindulariak zazpi segundoko abantaila atera dio bigarren izan den Bradley Wigginsi (Sky) eta denbora bera atera dio hirugarren postua eskuratu duen Sylvain Chavaneli (Omega Pharma).
Igandean Frantziako Tourreko lehen etapa korrituko da Lieja eta Seraing artean (198 kilometro).
Etapako sailkapena eta sailkapen nagusia:
.1. Fabian Cancellara (SUI-RadioShack) 07:13
.2. Bradley Wiggins (GBR-Sky) + 07
.3. Sylvain Chavanel (FRA-Omega Pharma) d.b.
.4. Tejay van Garderen (USA-BMC) + 10
.5. Edvald Boasson Hagen (NOR-Sky) + 11
.6. Brett Lancaster (AUS-Orica GreenEdge) d.b.
.7. Patrick Gretsch (ALE-Argos Shimano) + 12
.8. Denis Menchov (RUS-Katusha) + 13
.9. Philippe Gilbert (BEL-BMC) d.b.
10. Andriy Grivko (UCR-Astana) + 15
