Frantziako Tourra 2023
FRANTZIAKO TOURRERA
Pogacar sendatze-prozesuko azken txanpan da, eta Frantziako Tourrean parte hartzeko aukera handiak ditu
AGENTZIAK | EITB MEDIA
Liejan erorikoa izan ondoren, ebakuntza egin zioten ezker eskafoidea. Esloveniarraren errekuperazioa ondo bidean doa eta litekeena da uztailaren 1ean Bilboko irteeran egotea.
-
Tadej Pogacar. Argazkia: EFE
Tadej Pogacar (UAE Emirates) esloveniarra bere errekuperazio faseko azken txanpan dago. Lieja-Bastoña-Liejan ezker eskafoidea hautsi ostean dago, eta uztailaren 1ean Bilbotik abiatuko den Frantziako Tourrean egoteko aukera handiak ditu.
Pogacar Tourra irabazteko faboritoetako bat zen, eta Amstel Gold Race eta Flecha Valonaren ondoren, erorikoa izan zuen Liejan, 84. kilometroan, eta ezker eskafoidea hautsi zuen. Lurrera joan ostean, ospitalera eraman eta ebakuntza egin zioten.
Orain, osatzen ari da. Litekeena da 2023ko Tourrean parte hartzea.
"Gogor ari naiz lanean Sierra Nevadan, batez ere irteera luzeekin erresistentzia lantzeko. Gure kontzentrazioa ekainaren 11n amaitzen da, proba mediko batzuk egingo ditut, eta gero egun batzuk emango ditut Sestrieren entrenatzen", adierazi zuen esloveniarrak duela egun batzuk.
