Artea
1813tik
Donostiako aldaketa urbanistikoa, San Telmo museoan
Abenduaren 8ra arte bisitatu daiteke "Hiriaren 200 urte" izenpean eta argazkiak, planoak eta hiriaren kronologia aztertzen duen ikusentzunezko lan bat ikus daitezke.
Bideoak (1)
Donostiako San Telmo museoak Gipuzkoako hiriburuaren eboluzio urbanistikoa aztertzen duen erakusketa zabaldu du. Azken bi mendeetako aldaketa ikus daiteke eta arkitektura aldetik egin diren aldaketak hiritarrei hurbiltzea du helburu, 1813an suntsitu zutenetik.
Abenduarenm 8ra arte da ikusgai "Hiriaren 200 urte" izenpean eta argazkiak, planoak eta hiriaren kronologia aztertzen duen ikusentzunezko lan bat ikus daitezke. Artxibo publikotatik zein pribatutatik ateratako informazioa dago ikusgai.
Donostiako Udalak antolatu duen hamabigarren "hitoa" da, hiriaren suntsiketaren 200. urteurrena (eta geroko berreraiketa) ospatzeko.
Hiriaren "jatorri" gisa agertzen da Donostiako alde zaharra. Osatzen duten 20 eraikinei eta leku bereziei eskainitako sail bat dago, Konstituzio enparantzatik hasi eta Trinitate elizara, Santa Maria eta San Vicente elizetatik jarraituz.
