815.000 euro bideratuko dituzte antzerki ekoizpena sustatzeko

Erredakzioa

Azken eguneratzea: 2010/03/26 15:59 (UTC+1)

Jaurlaritzak koprodukzioa sustatu nahi du, kalitate eta tamaina handiagoko proiektuak sortzeko.

Whatsapp
Whatsapp
telegram
twitt
Bidali
Esteka kopiatu

Albisteak (1)

Musika, drama eta sariak Nazioarteko Antzerki Eguna ospatzeko

Antzerkiaren Nazioarteko Eguna ospatuko da bihar, eta, bezperan, antzerkigintzarako 2010eko dirulaguntzak arautzen dituen agindua aurkeztu du Mikel Toral Eusko Jaurlaritzako Kultura Sustapenerako zuzendariak. Aurten 815.000 euro bideratuko dira guztira antzerki ekoizpena sustatzeko, eta laguntzok dagoeneko erroturik dauden konpainientzat zein antzerki talde hasi berrientzat izango dira.

Proiekturik interesgarrienak, kalitate handikoenak eta bideragarrienak sustatu nahi ditu legeak, eta laguntza jasoko duten proiektuen kalitatea eta bideragarritasuna bermatu nahi dute. Era berean, aurten koprodukzioa sustatu nahi du Eusko Jaurlaritzak, kalitate eta tamaina handiagoko proiektuak sortzeko.

Azken zazpi urteotan 148 ekoizpenek jaso duten diru-laguntza, batez beste urtero 21 lanek, alegia.