'Hostoak': Dantza, musika eta kantu tradizionalen irakurketa berria

Erredakzioa

Azken eguneratzea: 2011/02/02 15:45 (UTC+1)

Oreka Tx-en, Kukai Dantza Taldearen eta Amaren Alabak bandaren ikuskizuna da. Donostiako estreinaldiaren ondoren, Baionara, Iruñera, Bilbora, Gasteizera, Donibane Lohizunera eta Maulera joango dira.

Whatsapp
Whatsapp
telegram
twitt
Bidali
Esteka kopiatu

Albisteak (1)

Oreka Tx: 'Txalaparta flamenkoarekin nahasteko aukera izango dugu'

Hostoak ikuskizuna jarri dute martxan Oreka Tx bikoteak, Kukai Dantza Taldeak eta Amaren Alabak bandak. Euskal kulturaren tradizioa oinarri hartuta, dantza, musika eta kantu tradizionalen irakurketa berria proposatzen du ikuskizunak. Donostiako Kursaal aretoan egingo dute estreinaldia, otsailaren 19an.

Oreka Tx bikotearen eskutik jaio zen ideia. ''''Planteamendu modernoagoak hartu dituzten euskal diziplina tradizionalak txalapartaren soinuekin uztartu nahi genituen'''', azaldu du Igor Otxoa Oreka TX bikoteko kideak.

Kukai Dantza Taldearen eta Amaren Alabak bandaren baiezkoa lortu zuten txalapartariek, eta Mireia Gabilondorengana jo zuten, ikuskizuna zuzendu zezan.

''''Festa'''' bezala ikusten dute sortzaileek Hostoak ikuskizuna. Taldekideek taula gainean goza dezaten eta diziplina bakoitzeko mugak gaindi ditzaten bilatzen du lanak.

Gipuzkoako estreinaldiaren ondoren, Hostoak lan berriak Baionara (otsailak 25), Iruñera (otsailak 26), Bilbora (martxoak 16), Gasteizera (maiatzak 31), Donibane Lohizunera (abuztuak 11) eta Maulera (urriak 1) egingo du bidaia.