Arte Ederretako ikasleen lanak, Bizkaia Aretoan

EHUren Bizkaia Aretoko Etxepare, Axular eta Chillida espazioek EHUko Arte Ederren ikasleen Gradu Amaierako Lanen V. Erakusketa hartuko dute gaurtik, abenduak 11. 2017/18 ikasturtean fakultate horretan eskaintzen dituzten hiru graduetakoren bat (Artea; Sorkuntza eta Diseinua; Kultura Ondareen Kontserbazioa eta Zaharberritzea) amaitu zuten 32 ikasleren gradu amaierako lanak jarriko dituzte ikusgai.

Obren artean, pinturak, instalazioak, eskulturak, lan grafiko eta bideografikoak eta argazkiak daude, eta doan bistatu ahalko da erakusketa, urtarrilaren 4ra arte, astegunetan, 08:00etatik 20:00etara.

Abenduaren 19 eta 20an, 18:00etatik aurrera, parte hartzen duten ikasleek bisita gidatua egingo dute erakusketan zehar.