Itxi

Artea

2021eko maiatzera arte

Guggenheimek azaroaren 20an irekiko du Kandinskyren erakusketa

Agentziak | Erredakzioa

XX. mendeko artearen erakusle garrantzitsuenetakoa den artistaren lanen lagin bat Bilbon ikusi ahalko da, 2021eko maiatzaren 23ra arte.

  • "28. inprobisazioa"

    "28. inprobisazioa". © Vasily Kandinsky, VEGAP, Bilbao, 2020

Guggenheim Bilbao Museoak gaur berretsi duenez, azaroaren 20an irekiko du azkenaldian jakin min handiena piztu duen erakusketetako bat, Vasily Kandinskyren lanari buruzkoa, gehienbat New Yorkeko Guggenheim Fundazioak bere funtsetan dituen lanekin paratutakoa.  

Vasily Kandinskyk (Mosku 1866 - Neuilly-sur-Seine, Frantzia, 1944) egindako margoen eta paper gaineko obren bildumak ondo baino hobeto erakusten du abstrakzioaren aitzindari eta estetikaren teorialari honen obra eta garapen artistikoa, museotik azaldu dutenez.

Maisu honen eboluzio artistiko osoa erakutsiko duen erakusketa lau ataletan egongo da antolatuta. Kandinsky Errusia, Alemania eta Frantzian bizi izan zen, eta bi mundu gerra pairatu zituen.