Artea
Estreinekoz
'The Spencers'en magia ikuskizuna, Bilboko Arriaga Antzokian
Erredakzioa
'Houdini berriak' izengoitiarekin ezagunak diren mago ospetsu hauek Estatu mailan eskainiko duten ikuskizunaren estreinaldia hartuko du Bilboko antzerki honek.
-
Kevinek eta Cindyk osatutako bikotea 'Houdini berria' izengoitirekin da ezaguna. Teatroarriaga.com
Bilboko Arriaga Antzokiak The Spencers mago ospetsuen emanaldiaren estreinaldia hartuko du igande honetan, 19:00etatik aurrera. Estatu mailan eskainiko duten lehen saioa izango da Bilbokoa, ondoren, Santanderren, Logroñon eta Donostian izango baitira.
Arriaga Antzokiak ohar baten bidez jakinarazi duenez, Kevin Spencerrek eta Cindy Spencerrek osatutako bikotea 'Houdini berria' izengoitiarekin dira ezagunak. Eskarmentu handikoak dira, izan ere, ilusioaren mugak berriro definitu dituzte. Hamar urte eman dituzte drama, komeria, maitasuna, suspense eta ilusioa uztartzen duten ikuskizunak AEBetan eta mundu mailan aurkezten.
"Egungo magia ikuskizunak arriskua, antzerkia eta nortasuna ditu ezaugarri nagusi. Kevin eta Cindy Spencer dira antzerki magiko honen maisuak. Igande honetako ikuskizunerako saio berezienak aukeratu dituzte eta ikusleak aho zabalik utziko dituztela hitzeman dute", azaldu du Arriaga Antzokiak.
Spencer anaiek hormak zeharkatzen dituzte, lebitatu egiten dute, desagertu eta agertu egiten dira ikusleen aurrean. 2009an, Merlin saria irabazi zuen bikote honek eta duela gutxi Urteko Nazioarteko Mago izendatu zituzten.
