Bertsolaritza
Streaming bidez
Finala, Estiballesen eta Elortzaren artean
Finala eitb.com eta ETB1en bitartez jarrai daiteke. Amaitzean, irabazlearekin elkarrizketa egingo dute Jon Artanok eta Josu Goikoetxeak.
-
Igor Elortza eta Arkaitz Estiballes, buruz-burukoan. Argazkia: EITB
eitb.com eta ETB1 Bizkaiko Bertsolari Txapelketako finala eskaintzen ari dira, zuzenean, 17:30etik. Buruz-burukoan, Igor Elortza eta Arkaitz Estiballes ari dira. Amaitzean, bertsolari irabazleak elkarrizketa eskainiko dio Jon Artano eta Josu Goikoetxea ETBko esatariei.
Finalak jarraitzen duen bitartean, jarraipen berezia egiten ari gara twitter bidez (EITBKultura kontuan).
Finala, hortaz, oso-osorik eitb.com-en ikusteko aukera izango da. Gainera, igandetik aurrera EITB Nahieran-en ere ikusgai izango da.
Bertsolari hauek dira Miribillako Bilbao Arenan: Iratxe Ibarra, Miren Amuriza, Jone Uria, Onintza Enbeita, Igor Elorza, Etxahun Lekue, Fredi Paia eta Arkaitz Estiballes, aurreko txapelketako irabazlea. Lehen aldiz, lau gizonezko eta lau emakumezko.
