Euskara
Hizkuntzalaritza
Txillardegiren "Hacia una Sociolingüística Matemática" lanaren eskuizkribua, Sarean kontsultagai
N. V. | EITB Media
Soziolinguistika Klusterrak Jakin Fundazioari laga dio "euskaldunen hizkuntzarekiko leialtasuna aztertzeko eredu matematikoa" biltzen duen liburuaren jatorrizko bertsioa. Jakinek dokumentua digitalizatu, eta denon eskura jarri du.
-
'Hacia una sociolingüística matemática' Txillardegiren lanaren eskuizkribua
Soziolinguistika Klusterrak Jakin Fundazioaren esku utzi du "Hacia una sociolingüística matemática" Txillardegiren liburuaren eskuizkribua, eta herritarrek kontsultatzeko moduan jarri du dagoeneko, Sarean.
Txillardegik eskuz idatzitako liburua SEI elkarteko Imanol Esnaolak koordinatu zuen, eta Jose Ramon Etxebarriak gainbegiratu zituen formula matematikoak.
Lan horretan, Txillardegi saiatu zen zuen euskaraz egiteko aukerei forma matematikoa ematen. Solaskide taldeen osaerari erreparatu zien, eta gaitasunaren araberako aukerak aztertu zituen. Euskaraz egingo bada, mintzo denak eta entzuten duenak, biek izan behar dute gutxieneko gaitasuna. Premisa horretatik, formalizazio eta sistematizazio matematikoaren bidez osatu zuen eredua, Klusterrak azaldu duenez.
Garatutako eredu matematikoak Txillardegiren ustea berretsi zuela dio Klusterrak ohar batean: "Liburuan esaten den bezala, euskararen ezagutzaren eta erabileraren arteko aldea hiztunen arduragabekeria errudunaren ondorio zela ukatzeko eman nahi zuen ezagutzera eredu matematikoa. Gaur egun ere, erabileraren eta gaitasunaren arteko azterketak egiten ditugunean, ezinbesteko baliabidea da Txillardegik landutako soziolinguistika matematikoaren eredua".
