Publizitatea
Itxi

2015/06/24

15:22

Literatura

Euskaltzaindia eta ONCE

‘Linguae Vasconum Primitiae’, ikusmen urritasuna dutenentzat egokituta

Agentziak | Erredakzioa

Euskaltzaindiak eta Itsuen Espainiako Elkarteak euskaraz inprimatutako lehen liburuaren eta ‘Erlea’ literatur aldizkariaren bi zenbakiren braillezko edizioa aurkeztu dute.

  • Whatsapp
  • Whatsapp
  • Telegram
  • Bidali

Euskaltzaindiak eta ONCE Itsuen Espainiako Elkarteak “Erlea” Akademiak argitaratzen duen literatura aldizkariaren eta ‘Linguae Vasconum Primitiae’ Bernard Etxeparek idatzi zuen liburuaren braillezko edizioak aurkeztu dute eguerdian.

Aurkezpenean, Andres Urrutia eta Xabier Kintana Euskaltzaindiaren presidente eta idazkaria, Bernardo Atxaga idazle eta ‘Erlea’ aldizkariaren zuzendaria eta Basilio San Gabriel ONCEren lurralde-ordezkaria izan dira.

Liburuok bi erakundeon arteko lankidetzaren lehen fruitua dira. Hartara, 'Linguae Vasconum Primitiae' historikoa, euskaraz inoiz inprimatutako lehen liburua, braillez irakurri ahalko da dagoeneko, beste hamabi hizkuntzatan ez ezik.

Xabier Kintanak hitzaurre berezia idatzi du: “Louis Braillerentzat, itsuen irakurketa moduaren asmatzailearentzat, oroitzapen berezia du; ezin zen bestela izan. Haren bizimodua eta ekarpen ezinbestekoak laburtu ditut”, esan du Kintanak aurkezpenean.

ONCEk lankidetza hitzarmena du lehendik ere Eusko Jaurlaritzaren Kultura Sailarentzat, eta urtean 55 liburu ekartzen ditu Braille alfabetora eta Daisy sistemara.

Orain, Euskaltzaindiarekin lotutako akordioari esker, ikusmen urritasuna dutenek irakurtzeko moduko liburu gehiago egongo dira euskaraz. Udazkenetik aurrera erabakiko dute bi erakundeok zein liburu itzuliko dituzten.

  • Hau zure interesekoa bada, baliteke beste gai hauek ere izatea:
  • Bisitatuena

      Kargatzen ikusiena
      Kargatzen ikusiena