Musika
Iragarpena
Günter Neuholden azken denboraldia BOS zuzentzen
Austriarra orkestraren zuzendari artistiko titularra izan da 2008tik. Momentuz, ez omen dago ordezko izenik. 2013-14ko denboraldiak 17 egitarau eta 34 kontzertu izango ditu.
Bilbao Orkestra Sinfonikoa utziko du Günter Neuhold zuzendari austriarrak datorren denboraldiaren amaieran: halaxe iragarri du Bilboko Orkestrak denboraldi horren aurkezpenean.
Günter Neuhold 2008an heldu zen Bilbora, hiriko orkestra sinfonikoaren zuzendari artistiko titularra izateko. Datorren denboraldiko programa aurkeztean, datorren urteko ekainean ardura hori utziko duela iragarri dute, eginiko lana eskertuz
Zuzendari austriarrak aldi honetan lorturiko emaitzak goraipatu ditu. Dioenez, harro dago orkestraren ulermen eta heldutasun mailaz.
Ez omen dago oraingoz ordezko izenik.
2013-14ko denboraldiak bestalde, 17 egitarau eta 34 kontzertu izango ditu. Azpimarratzekoa, "Hitzak baino harago" ziklo tematikoaren lau kontzertu, Wagner, Beetowen, Mahler eta Schunerten sinfoniekin. Eta Lang Lang txinatar piano-jotzaileak emango duen kontzertu berezia, duela 10 urte eman zuen beste bat gogoratuz.
Ganbera musika barruan, Asier Polo biolentxelo-jotzaileak gogokoen duen musika eskainiko du "Asier Polo, oso pertsonala" epigrafepean.
