Keith Richardsek 70 urte bete ditu

Sinestezina badirudi ere, The Rolling Stones taldearen sortzaileetako bat den Keith Richardsek 70 urte bete ditu 2013ko abenduaren 18 honetan. Bandaren abesti ezagunenetako batzuen egileak gehiegikeriei aurre egitea lortu du. Gainera, musikariak beste urteurren bat ospatzen du egun horretan: bigarren emaztearekin, Patti Hansen modelo ohiarekin, 30 urte daramatza ezkonduta.

Klase erdiko familia bateko semea, Dartforden jaio zen. Mick Jagger tren batean ezagutu ostean, historiako rock talderik handiena sortu zuten 1962an elkarrekin.

Mick Jagerrek ere 70 urte bete zituen uztailean. Richardsek rock musikari errebeldearen itxura izan du hasieratik.

Bere ibilbide gehiena, Jaggerrek bezala, talde ingelesaren kide bezala egin duen arren, bakarka eta beste hainbat artistarekin ere egin du lan rockaren erakusle nagusietakoa denak. Ronnie Woodekin sortu zuen The New Barbarians proiektua nabarmendu daiteke horien artean.

Richardsen jarraitzaileek artista bere webgune ofizialean zoriontzeko aukera izan dute.